परभणी : (दि.२१) ‘अन्न दिन व अन्न सप्ताह’ कालावधीत रेशन दुकानदारांनी सकाळी आठ ते रात्री आठ पर्यंत धान्य दुकान उघडे ठेवणे बंधनकारक राहील अश्या प्रकारचे शासन आदेश अन्न नागरी पुरवठा व ग्राहक संरक्षण विभागाच्या वतीने फेब्रुवारी २०१२ साली निर्गमित केले होते.
अन्न दिनाच्या अनुषंगाने प्रत्येक महिन्याच्या दिनांक ०७ हा दिवस अन्न दिन ( Food Day ) म्हणून मानण्यात यावा सदर दिवस हा सुट्टीचा दिवस असेल तरी ही,या दिवशी गावातील चावडी,रास्त भाव दुकान,सार्वजनिक ठिकाणी उपस्थित असलेले दक्षता समिती व इतर स्थानिक लोकांच्या उपस्थितीत जाहीर पद्धतीने शिधापत्रिकाधारकांना विहित पद्धतीनुसार धान्याचे वितरण करण्यात यावे अन्न सप्ताह दिनाच्या दिवशी वरील पद्धतीने धान्य वाटप केल्यानंतर शिल्लक उर्वरित लाभार्थ्यांना रास्त भाव दुकानातून दिनांक 8 ते 15 या लगतच्या सप्ताहात विक्री करिता उपलब्ध करण्यात यावे.अन्न सप्ताह ( Food Week ) म्हणून अमलात आणावा.शासन निर्णयात अश्या प्रकारचे निर्देश देण्यात आलेले असताना परभणी शहरात बहूसंख्य ठिकाणी रास्त भाव दुकान उघडण्याच्या वेळा निश्चीत नसल्याचे समोर आले आहे,त्यामुळे रेशन धान्य उच्चल करण्यासाठी येणाऱ्या कष्टकरी वर्गातील नागरिकांची तारांबळ उडते आहे.
